Վերափոխելով կրթությունն ընթերցանության միջոցով

Արփինե Բաղդասարյանը «ՆորԱրար» կրթական ՀԿ-ի կրթական ծրագրերի ղեկավարն է: Արփինեն ունի 8 տարվա փորձ դասավանդման, ուսուցիչների մասնագիտական զարգացման, գրագիտության զարգացման և գնահատման, կրթական հետազոտության ոլորտում: Արփինենն ավարտել է Կրթության և միջազգային զարգացման մագիստրատուրան Լոնդոնի համալսարանական քոլեջի Կրթության ինստիտուտում, սովորել է Վանաձորի պետական մանկավարժական ինստիտուտում:

Լուսինե Պողոսյանը Վանաձորի N 12 հիմնական դպրոցի, փոխտնօրեն և հայոց լեզվի և գրականության ուսուցչուհի է, ով ունի 21 տարվա մանկավարժական փորձ և առաջին աստիճանի տարակարգ։ Սովորել է ՎՊՄԻ բանասիրական ֆակուլտետի լեզվագրական բաժինում: Շարունակաբար մասնակցում է տարբեր վերապատրաստման ծրագրերի՝ համալրելով գիտելիքների մեծ բազան և նորովի իմաստավորելով այն իր ամենօրյա աշխատանքում։

Լուսինե Հարությունյանն ունի 30 տարվա փորձ։ Ճանաչվել է Լոռու մարզի «Տարվա լավագույն դասվար», ստացել է ուսուցչի որակավորման առաջին տարակարգ։ Լուսինեն ստացել է դասվարի որակավորում՝ ավարտելով ՎՊՄԻ «Մանկավարժություն և տարրական ուսուցման մեթոդիկա» բաժինը: Ներգրավված է տարբեր կազմակերպություններում որպես վերապատրաստող։ «ՆորԱրար» կրթական ՀԿ-ում համակարգում է կրթական ծրագրերը։

Արեն Երանոսյանը մաթեմատիկայի ուսուցիչ է, ունի 6 տարվա մանկավարժական փորձ։ Ավարտել է ՀԱՊՀ-ի տնտեսագիտություն բաժինը և Գյումրու պետական համալսարանի մաթեմատիկա բաժինը: Մասնակցում է տարբեր նախագծերի, որոնց հիմքում ոչ ֆորմալ կրթությունն է։ Արենը ունի բազմազան հետաքրքրություններ։ «ՆորԱրար»-ի կրթական ծրագրերի շրջանակում Արենը ստեղծում է տարաբնույթ ռեսուրսներ տարրական և միջին դպրոցականների գրագիտության զարգացման համար։