«ՆորԱրար» կրթական ՀԿ-ն 2022-ին իրականացրել է դպրոցի ներքին գնահատման քաղաքականության և վերջինիս կիրառման առաջին ուսումնասիրությունը Հայաստանում

Ի՞նչ է դպրոցի ներքին գնահատումը․ միջազգային փորձը ցույց է տալիս, որ դպրոցի ներքին գնահատումը հանգեցնում է այնպիսի դրական փոփոխությունների, ինչպիսիք են

• վերլուծական անդրադարձը դպրոցում կրթության որակին և վերջինիս բարելավման մասին աշխատանքը,

• բարելավման կարիք ունեցող ոլորտների նկատմամբ զգայունությունը, նպատակների և բարելավման ուղղությունների պլանավորումը,

• անձնակազմի մասնագիտական ​​զարգացման կարիքների բացահայտումը,

• դպրոցում հաշվետվողական, թափանցիկ, մասնակցային, դեմոկրատական մշակույթի ձևավորումն ու փոփոխություններ նախաձեռնելու պատասխանատվությունը։

Հաշվի առնելով ՀՀ հանրակրթական դպրոցներում ներքին գնահատման գործընթացի դժվարությունները՝  ՆորԱրար կրթական ՀԿ-ն 2022-ին իրականացրել է դպրոցի ներքին գնահատման քաղաքականության և վերջինիս կիրառման առաջին ուսումնասիրությունը Հայաստանում։

Ուսումնասիրությունն իրականացվել է 2020 թվականին մեկնարկած  «Տվյալներ հաշվետու և թափանցիկ գործունեության համար» ՝  ԴԱՏԱ ծրագրի շրջանակներում՝ Եվրասիա համագործակցության հիմնադրամի ֆինանսավորմամբ։ Ուսումնասիրությունը հասանելի է հետևյալ հղումով․ սեղմե՛ք «ավելին» կոճակին և գտե՛ք 20-րդ ուսումնասիրության հղումը․

https://epfarmenia.am/hy/documents/DATA-Research-Internal-Evaluation-of-Secondary-Schools-Khachatryan .

Ուսումնասիրությունը վեր է հանում բազմաթիվ բացեր ներքին գնահատման քաղաքականության և իրականացման ոլորտներում, հնարավորություններ և գործնական առաջարկներ, որոնք պատրաստվում ենք քննարկել համապատասխան շահակիցների հետ։